COME BACK TO SO'E

Cerita Versi Anak Soe (Cerita Singkat)

 

         Dua hari yang lalu atau yang biasa katong sebut kemarin dulu adalah hari yang sangat beta senang, Karena bisa kembali soe, biar hanya satu hari, tapi beta talalu senang.

          Jam 13:00 WITA adalah waktu yang tepat untuk beta berangkat. beta mo jalan jam sembilan ju masih harus datang praktek, mo bilang pamalas ju sonde mo bilang rajin sonde (tau apa leee nih............). beta pulang praktek jam 12:00 WITA itu ju masih pake acara makan-makan di tempat praktek (beta rasa malas ju bikin ke sonde malas) kapan eee bisa sampe rumah ????. Akhirnya beta sampai dirumah jam 12:30. sampe dirumah, beta masih pake acara makan (memang lapar tapi bikin ke sonde lapar).

         Pas jam 13:00 WITA beta langsung jalan pulang ke soeeee........ ditengah jalan begini (su sampe Camplong) beta lupa barang dong......... beta sonde tau mo buat apa leeee..... akhirnya beta putuskan untuk terus jalan. Jam 15:00 WITA, beta sampe di Batu Putih, beta rasa ke talalu lama (kenapa sonde lama jalan barenti terus na hahahaha...) beta biasa batareak ke orang gila kalo pulang dari mana-mana kalo mau pi soe (WELCOME SOE). beta sampe rumah jam 16:00 WITA, sampe ju mamatua tanya "mana barang titipan dong ?????" hmmmm beta ju sengaja sonde dengar.. kaget begini pohon telinga babunyi... Plak..... "kenapa mama" beta yang bilang, terus mama bilang mana barang titipan ?? beta bilang LUPA.

"TAMAT"

Itu beta pung kisah hidup yang memang sonde akan pernah beta lupakan. Meskipun dengan satu kali bunyi tamaparan, tapi beta tetap senang karena bisa kembali soe.... 

Soe Kota Dingin

          

           

Animasi Blog